डिफेन्डिङ च्याम्पियन क्लाइजस्टर्स विश्वस्त
सेरेना विलियम्स र जस्टिन हेनिनको अनुपस्थितिमा क्लाइजस्टर्स उपाधिको प्रमुख दाबेदार वर्षको अन्तिम ग्रान्डस्लाम युएस ओपन उपाधि रक्षा गर्नेमा डिफेन्डिङ च्याम्पियन किम क्लाइजस्टर्स आशावादी छिन् । युएस ओपनमा उनको रेकर्ड १४-० छ । अघिल्लो वर्ष सीधै प्रतियोगितामा सहभागी जनाउँदा उनले कुनै गल्ती नगरी उपाधि रक्षा गरेकी थिइन् । यसपटक पनि आफू त्रुटिरहित प्रतिस्पर्धा गर्ने उनी बताउँछिन् । सोमबारदेखि हुने प्रतियोगितामा बेल्जिमयकी खेलाडीले दोस्रो स्थान पाएकी छिन् ।
साढे दुई वर्षकी छोरी जाडा काँखी च्याप्दै अघिल्लो वर्ष अथुर्स रंगशाला युएस ओपन उपाधि जित्दा क्लाइजस्टर्सले सबै क्षेत्रबाट वाहवाही पाएकी थिइन् । लामो समयको सन्न्यास तोड्दै क्लाइजस्टर्सले गत वर्ष अथुर्स सेन्टर कोर्टमा पाइला टेक्दा उनलाई उपाधि दाबेदारीका रूपमा हेरिएको थिएन । तर, दह्रो आत्मविश्वासका साथ उनले प्रतिस्पर्धा गर्दै फाइनलमा कार्लोलिन वान्जिरिकालाई सीधा सेटमा हराउँदै दोस्रोपटक उपाधि जितिन् ।
'टेनिस एक किसिमको सन्तुलित खेल हो, यसमा तपाईंको मनोबल उच्च हुनुपर्छ,' क्लाइजस्टर्सले भनिन्, 'अथुर्स रंगशालामा मैले त्यही विश्वास यथावतै राखेँ ।' २७ वर्षीया क्लाइजस्टर्सले आफूले यसपटक निकै तयारी गरेको बताइन् । स्वयं क्लाइजस्टर्स पनि युएस ओपनको हार्डकोर्ट भाग्यशाली भएको मान्छिन् । उनले अथुर्स सेन्टर कोर्टलाई विश्वकै उत्कृष्ट हाडकार्डका रूपमा लिने गरेकी छिन् । सन् २०१० को सत्रमा उनले तीन एकल उपाधि हार्डकोर्डमै जितेकी थिइन् । यस कारणले पनि 'ब्याक टु ब्याक' युएस ओपन उपाधि रक्षा गर्न उनी आतुर भएकी हुन् ।
'अन्य कोर्टमा भन्दा मलाई यहाँ खेल्न निकै सजिलो लाग्छ,' उनले भनिन्, 'यो वर्ष मात्र होइन, जब म १४, १५, १६ वर्षकी थिएँ, त्यस वेला पनि हार्ड कोर्टमा खेल्न सहज लाग्दथ्यो ।' खेल जीवनको सुरुवात पनि क्लाइजस्टर्सले अमेरिकाकै हाडकोर्टबाट गरेकी थिइन् । 'मेरो सुरुवाती जीवन अमेरिकाबाट भयो,' उनले थपिन्, 'यहाँ भागदौड गर्न सामान्यजस्तो लाग्छ, कोर्टको प्रत्येक कुनाबाट बलमाथि राम्ररी प्रहार गर्न सक्छु ।' उत्कृष्ट र्फममा रहँदा हार्डकोर्टमा आफूलाई हराउन कसैले नसक्ने दाबी उनको छ ।
यसपटक तीनपटककी विजेता सेरेना विलियम्स र दुईपटककी विजेता जस्टिन हेनिनको अनुपस्थितिमा क्लाइजस्टर्सलाई उपाधिको प्रमुख दाबेदार खेलाडीका रूपमा हेरिएको छ । दुवै पूर्वविजेताद्वयको अनुपस्थितिमा आफूले त्यसको फाइदा उठान सक्ने दाबी उनको छ ।
'सेरेना र हेनिनले भाग लिएका छैनन्, दुवैको अनुपस्थितमा मलाई उपाधि रक्षा गर्न मौका मिलेको छ,' उनले भनिन् । सन् २००६ र ०९ को सत्रमा युएस ओपन उपाधि उचालेकी क्लाइजस्टर्सले चोटका कारण ०६ को संस्करणमा भाग लिन सकिनन् । त्यसपछि उनको विवाह भएपछि टेनिसलाई चटक्कै परित्याग गरिन् । युएस ओपनको शुक्रबार 'ड्र' निकाल्दा क्लाइजस्टर्सले क्वाटरफाइनलमा सम्भवतः साम स्टाउसविरुद्ध प्रतिस्पर्धा गर्नेछिन् ।
साबिक उपविजेता वान्जिरिकाको सन् ०६ की विजेता मारिया सारापोभासित अन्तिम आठमा भिडन्त हुने देखिन्छ । यता भेनस विलियम्सले सन् ०८ की फाइनलिस्ट जेलिना जान्कोभिकलाई क्वाटरफाइनलमा भेट्टाउने छिन् ।
यसैबीच पुरुषतर्फको 'ड्र' अनुसार पाँचपटकका विजेता रोजर फेडररले क्वाटरफाइलनमा दुईपटकका प|mेन्च ओपन विजेता रोविन सोडर्लिङलाई भेट्टाउने प्रबल सम्भावना छ । यसै सत्रमा सम्पन्न प|mेन्च ओपनको क्वाटरफाइनलमा फेडरर रोबिनसँग पराजित भएका थिए । उत्कृष्ट र्फममा रहेका एक नम्बर खेलाडी राफल नाडालले क्वाटरफाइनलमा दुईपटकका फाइनलिस्ट एन्डी मुर्रेविरुद्ध प्रतिस्पर्धा गर्नुपर्ने देखिन्छ ।
Naya Patrika
