प्रतिष्पर्धामा बेलायतका नेपाली सुन्दरी
नेपाल मात्र होइन,प्रवासमा समेत नेपाली सुन्दरी छान्ने होड चलिरहेका बेला बेलायत पनि यसबाट अछुतो रहेन आयोजकहरु आगामी २३ अक्टोबर साँझ पहिलोपटक 'मिस यूके नेपाल-०१०' गर्न जुटेका छन् अहिले विभिन्न आवेदनमध्येबाट राम्रा सुन्दरी छान्ने काम भइरहेको छ । गत ४ जुलाईमा भएको पहिलो अडिशनबाट १६ देखि २१ वर्षका दश सुन्दरी छानिएका छन् भने आगामी अगष्ट १ मा समेत दोश्रो अडिशन हुँदैछ । तर, फाइनलमा १२ सुन्दरीहरु मात्र उतार्ने सोच आयोजकको छ । बेलायतमा नेपाली जनसंख्या एकलाख हाराहारी पुगेको तथ्यांक सार्वजनिक हुँदा ति मध्येबाट थोरै सुन्दरी छान्न कस्सिएका हुन् शान्ति गुरुङ र सबि्रना श्रेष्ठ । 'पहिलोपटक कार्यक्रम भएकाले अन्य संघसंस्थाले आँटेनन्, त्यसैले हामी आफैं गर्दैछौं'-आयोजक मध्ये एक शान्ति गुरुङ भन्छिन् । उता, परिचय राउण्डमा कल्चरल ड्रेस लगाउनै पर्ने नियमले देशको कला-संस्कृति समेत झल्कने सबि्रना श्रेष्ठ बताउँछिन् । सबि्रना आफैं 'मिस ट्यालेन्ट हन्ट हङकङ-००६' की फष्ट रनरअप हुन् । प्रतियोगितामा मिस फोटोजेनिक, मिस पर्सनालिटी, वेष्ट फिगर, बेष्ट ड्रेस्, मिस क्याटवाक र मिस चार्मिङ गरि ६ विद्यामा अवार्ड दिइने कार्यक्रम छ । 'मिस यूके नेपाल' हुनेले ८ सय पाउण्ड -करिव लाख नेपाली रुपैंया), फष्ट रनरअपले ५ सय पाउण्ड र सेकेन्ड रनरअपले ३ सय पाउण्ड नगद सहित क्राउन र प्रमाणपत्र पाउने छन् । यसबाट युवतीहरुभित्र लुकेको प्रतिभा उजागर हुने र 'पर्यटन वर्ष-०११' लाई समेत टेवा पुग्ने विश्वास शान्तिको छ । 'कार्यक्रममा गोरा अतिथी, दर्शक सामेल हुँदा 'पर्यटन वर्ष-०११' को सन्देश पनि दिन सकिन्छ'-शान्ति भन्छिन् । कोरियोग्राफरको जिम्मा 'मिस हङकङ २०००' विजेता ममिता गुरुङलाई दिइएको छ भने कार्यक्रम संयोजन गर्ने अभिभारा लक्ष्मी थापा राईको काँधमा छ । राई हङकङ छँदा 'मिस ट्यालेन्ट हङकङ' को आयोजक हुन् ।
Updated by Shanta on 26 July 10 at 06:57:07 Back
