कमजोर आत्मविश्वासी अना
अना इभानोभिकका समर्थक तथा शुभचिन्तक अहिले पनि कालो केसकी स्टार टेनिस खेलाडी फेरि एकपटक कोर्टमा पुरानो शैली र र्फममा फर्कून् भन्ने चाहन्छन् । खेल जीवनको पूर्वार्द्धमा २२ वषर्ीया अनाले आकर्षक खेलसहित केही सम्झनलायक सफलता पनि हात पारेकी थिइन् । महिला टेनिसमा २००७ र २००८ को वर्षमा ती दायाँहाते खेलाडीले आफूलाई विश्वमा सफल खेलाडी बनाइसकेकी थिइन् । एक मिटर ८३ सेन्टिमिटर अग्ली सर्बियाली खेलाडीले २००३ मा मात्रै व्यावसायिक टेनिस खेल्ने योजना बनाएकी थिइन् । आक्रामक खेल तथा शक्तिशाली सर्भिसका कारण थोरै समयमा उनले आफूलाई कोर्टमा स्थापित पनि गराइन् । २००८ मा प|mेन्च ओपनसँगै जीवनमा पहिलो ग्रान्डस्लाम जितेपछि उनी विश्व नम्बर एक महिला टेनिस खेलाडीसमेत बनेकी थिइन् । तर, सफलताको दबाबलाई सहन नसक्दा उनी बिस्तारै कमजोर बन्न थालिन् तथा हरेक दिन उनको बरियताक्रम झर्दै पनि गयो । त्यो क्ले कोर्ट उपाधिपछि उनले कुनै पनि महत्त्वपूर्ण सफलता हात पार्न सकिनन् भने अनेकौँ महत्त्वपूर्ण खेल पनि गुमाउँदै गइन् । निरन्तर हारले उनको आत्मविश्वास नै कमजोर त बनायो नै साथै अनेकौँ प्रयास गर्दा पनि आफूलाई बरियताक्रममा माथि उकास्न पनि उनी असफल बनिन् । निरन्तर हारले उनको शक्ति र क्षमताभन्दा पनि सशक्त सर्भिसमा आएको कमजोरीको बढी चर्चा चल्न थाल्यो । यस सिजनको सुरुवातमा भने अनाको खेलमा केही सुधार देखिएको थियो । बि्रसबेनमा सेमिफाइनलसम्म पुगेर आफूमा अझै क्षमता रहेको पनि उनले प्रष्ट पारिन् । अस्ट्रेलियन ओपनमा पनि उनले २० बरियतामा रहेर खेल्ने मौका पाइन् । तर, सो प्रतियोगितामा जिसेला डुल्कोसँग हारेपछि फेरि उनको सर्भिसलाई हारको कारक मानियो । पेरिवास ओपनको पहिलो खेलमा हारेपछि उनले यो सिजनमा लगातार चौथो हार बेहोरेकी थिइन् । साथै त्यसले गर्दा पूर्वनम्बर एक सर्बियाली खेलाडी २००५ यता पहिलोपटक विश्व बरियताक्रममा ५० नम्बरभन्दा तल झरिन् । यद्यपि, इभानोभिकको राम्रो पक्ष भनेको उनी कहिल्यै पनि हार मान्दिनन् तथा त्यसैले गर्दा उनी रोममा सेमिफाइनलसम्म पुगिन् पनि । सो प्रतियोगितामा इलिना डेमेन्टिभा, भिक्टोरिया एजारेन्का तथा नादिया पेट्रोभाजस्ता खेलाडीलाई हराउनु उनका लागि ठूलै सफलता रह्यो । सो प्रतियोगिताकी विजेता मारिया जोस मार्टिनेज सान्चेजसँग हार्दा पनि उनको सर्भिस र आत्मविश्वासमा प्रगति भएको पाइयो । समस्यामा परेका टेनिसका खेलाडीलाई सही मार्गमा ल्याउने कार्यमा ख्याति कमाएका हेन्ज गुन्टहार्ट अहिले अनाका प्रशिक्षक छन् । साथै, आफ्नो सुधारिएको खेलका लागि उनी प्रशिक्षकलाई धन्यवाद दिन्छिन् । रोमपछि उनी फेरि कुनै पनि प्रतियोगिताको अघिल्लो चरणमा पुग्न सकेकी छैनन् । यद्यपि, उनी गुमेकी साख प्राप्तिका लागि कडा अभ्यासमा तल्लीन छिन् । उनले पछिल्लोपटक बैंक अफ वेस्ट क्लासिकको पहिलो खेलमा रुसी खेलाडी एलिसा क्लेबानोभालाई हराइसकेकी छिन् । सो जितमा उनलाई सर्भिसले नै साथ दिएको थियो । संसारभर आयोजना हुने सबै ठूला प्रतियोगितामा आफूअनुकूल सहभागिता जनाउनका लागि इभानोभिकले विश्व बरियताक्रममा उत्कृष्ट २० खेलाडीभित्र आफूलाई समावेश गर्नुपर्ने हुन्छ । मिहिनेत गर्ने हो भने उनका लागि त्यो उचाइको यात्रा त्यति कठिन पनि हुने छैन । तर आफ्नो पहिलो हतियारका रूपमा रहेको शक्तिशाली सर्भिसमा भने उनको पकड रहनुपर्नेछ ।
Updated by Shanta on 30 July 10 at 06:55:23 Back
